NATAL : NAIBATA PATORUHKON DIRINI

Bacaan : Lukas 2:8-15

     Biasani anggo tubuh ma sada niombah itongah-tongah ni keluarga, hubani ise do parlobei ipatugah orang tuani? Boi do marbeda-beda balos pasal on. Tapi, na pasti aima hubani sindohor atap keluarga. Hubani ompungni, hubani tulangni, hubani amboruni ampa hubani sibiak tutur na ianggap hita patut mambotoh barita malas ni uhur ai. Anggo bani panorang partubuh ni Jesus, hubani kelompok ni parmahan do Naibata patugahkon boa-boa malas ni uhur. Mase hubani parmahan? Ai sedo na horja sangap parmahan, bahkan sedo horja na isura-surahon jolma on. Bayangkon hita ma, ai parpodoman ni sidea pe I sampalan do. Halak na etek do parmahan bani panorang ai. Halak na sederhana anjaha dipinggirkan. Tapi mase hubani sidea roh malekat ni Naibata?. Halani sidea ma sidohoran humbani ianan hatubuhan ni Sipaluah in. Aha isepelehon jolma on, justru ai do use ipilih Naibata. Nazaret, Betlehem, Josep si tukang kayu, Maria sanggah anak boru, harang ni pinahan ampa parmahan. Naibata memulai dari pinggiran. Sonai pe ibahen Naibata, ase boi dapotan haganup. Tontu anggo ipungkah Naibata humbani kalangan elite, sadihari pe lang be jumpahan si parmahan bani barita haluahon in. Sedo soal profil ni parmahan na paling menonjol ijon, tapi kesungguhan ni Naibata laho paluahkonjolma pardosa on do, sonaha ase ganup dunia on maluah. (Joh 3 : 16). Pikiran ampa holongni Naibata do na tarbasa hita humbani na masa in.

           Age pe hubani parmahan do roh malekat ni Naibata, tapi barita ai sedo pitah untuk parmahan, sedo pitah unutk kalangan tertentu, tapi ‘parulihan ni ganup bangsa’ do. Haganup do jolma mamorluhon barita na binogei ni parmahan ai. Haganup do jolma na manggoluh ikelilingi ‘rasa takut’ anjaha haganup do jolma membutuhkon ‘malas ni uhur’. Ai do ase kalimat pertamani barita ai pe mangkatahon “Ulang hanima mabiar”. Memang anggo ibandingkon hita homa hubani situasi ni halak Kristen na tujuan ni surat Lukas on, aima marianan bani situasi na penuh dengan ‘habiar’. Mabiar halani situasi minoritas, mabiar halani sidea humbani kalangan kecil. Tapi na lebih utama aima mabiar bani siparkuasa, mabiar bani hamateian, mabiar halani dosa na marianan bani goluhni jolma on. Jolma butuh “malas ni uhur”. Anjaha ‘ambilan malas ni uhur banggal do huboan bannima” nini malekat ni Naibata. Aha na binoan ni Naibata marhitei partubuhni sipaluah in, aima kebutuhan utama ni jolma on. Ronsi das hubani jolma na manggoluh sonari pe totap do adong “habiar”. Buei habiaran ni jolma sondahan on. Mabiar do halani keterpurukan ni ekonomi, mabiar do paikkathon niombah marsikolah halani buei ni pengaruh na masambor bani lingkungan, pakon habiar-habiar na legan. Ise do tongon na mangapoh hita ibagas na mandompakkon in? Lang dong na legan sobali Kristus Jesus. Ia do na boi mambahen hita marmalas ni uhur age pe buei tantangan na idompakkon hita.

          Partinandaan na hun babou do porlu ipardiatehon jolma on. Sedo tanda-tanda na iharapkon jolma ibahen Naibata bani kehadiranNi. Sanggah jolma mengharapkon ‘pahlawan’ na gagah, kaya raya anjaha berkuasa, ijai do homa Naibata patugahkon sada tanda na unik. “Jumpah hanima do sada na etek-etek, ibaluti bani ampan, tibal bani panggagatan”. Sedo tanda na megah, na meriah (songon na somal bani perayaan natalta). Lang pitah sederhana, tapi toruh. Age pe toruh, na lang boi tarjalo jolma, tapi hunjai ma masa haluahon. Hasangapon ni Naibata ma in anjaha in ma na sihol mambahen damei itanoh on. Na sihol bahenon ni Naibata aima laho patalarhon hasangaponNi marhitei missi perdamaian, lang porang. Sada parlajaran do in hubani halak na porsaya bahasa na boi mambahen hadameion aima kerendahan hati ni Naibata. (band. Pilipi 2 : 5 – 11, 1 Korint 2 : 9).

         Laho ma hita hu Betlehem mangidah na masa ai……. Ambit na bayak do na ijumpahkon malekat, ra do nini : “seng mungkin ai, sedo na tongon in”. Porini halak na pentar do na ijumpahkon malekat ai, ra do nini sidea : “ai aha do, dorun ma da Sipaluah hita”. Tapi songon parmahan na sederhana, na somal ibagas pambalosion, na rendah hati, halak na sonai do sirsir laho ‘merespon’ aha na dob binahen ni Naibata. Atap na sonaha pe ai, anggo Naibata ma mangkatahon, ai haluahon ma ai bani jolma on. “Hu Betlehem…” maksudni hu Bait Elohim (Rumah ni Naibata). Harang ni pinahan gabe rumah ni Naibata, panggagatan do ibahen Naibata gabe langgatan mangambilankon barita malas ni uhur bani dunia on. Etah… laho ma hita hu Betlehem (gareja), ai masa do ijai halongangan, masa do ijai pasu-pasu, masa do ijai malas ni uhur. Selamat Natal ma hubanta ganupan!