2 Korint 5:1-10
Hajongjongan ni Paulus selaku
apostel ni Kristus sompat do isalah mengerti kuria na adong i Korint
halani pengaruh ni na ipasambor-sambor parpodah na kahou, aima halani na
“manaron” ai Paulus bani horja Zending. Laho mangatasi keragu-raguan ni
kuria Korint ai do hinaporluni manongos surat 2 Korint on. Ai do ase
anggo ibasa hita surat on, taridah do songon adong sada ‘pembelaan’ ni
Paulus pasal dirini dompak kuria ai, ase ulang salah pandang sidea
hubani. Iparhatongon Paulus do bahasa ‘buei do tantangan’ do goluhni
sadokah ibagas na pararatkon hata ni Naibata. Nini Paulus do : “Tapi
ibagas ianan na urah mabolah do iboan hanami arta on, ase Naibata simada
hagogohon na sumurung in, ulang hanami. Ibagas haganup do hanami hona
odoh-odoh, tapi lang tarpisat; marhabiaran, tapi lang putus pangarapan;
hona ayak-ayak, tapi lang itadingkon; ipatompaskon, tapi lang maropuk.”
(2 Korint 4:7-9). Adong hagogohon na mambahen boi ia “tahan” ibagas
haganup anjaha martambah pangarusionni pasal Tuhan. Marsitaronon do ia
sadokah i dunia on, tapi sura-sura ampa pangarapan ni pasal hagoluhan na
humbani Kristus do na boi mambahen ia bertahan. Ai do mambahen nini
Paulus : “Halani ai seng marnaloja hanami, ai lambin roh burukni pe
hajolmaonnami pardarat on, tapi parbagas ai, ari-ari do ipabayu”. (2
Korint 4:16) Marhiteihon panandaionni
hubani
Kristus in, igambarhon Paulus do ianan ni jolma na manggoluh on i antara
dua sudut na torus saling mempengaruhi satu sama lain. Aima ianan ija
hita sonari pakon ianan na sihol tujuon ni halak na porsaya. Ongga do
ihatahon Paulus sonon : “Haduasi do manosak ahu: Masihol do uhurhu
misir, ase rap pakon Kristus, ai daoh do dearan ai, tapi porlunan do
marianan ibagas daging halani nasiam” (Pilipi 1:23-24.). Hunjin hita
mangidah bahasa adong hape dua ianan na maningon anjaha na sihol idagei
atap ibontas halak na porsaya hubani Kristus. Lobih bagas use isobut
Paulus do bahasa goluh ni jolma sanggah i dunia on ipausih do songon
ibagas “lampo-lampo” (kemah) na ibangun jolma, na boi marumbak, aima
goluh ibagas daging, na pasti berakhir.
“Ai ibotoh
hanami do…”. Lang sekedar mambotoh secara intlektual ijon Paulus, tapi
lebih mengacu hubani kesadaran na roh humbani parsaoranni pakon Kristus.
Gabe ibotoh aha do tujuan ni haganup pardalananni, gabe ibotoh aha do
artini na idagei ni bani panorang on. Na ibotoh Paulus on lang soal
panorang attigan ai marumbak, tapi soal kepastian bahasa roh dohor ni ma
panorang ni laho marumbak. Ai do ase ihatahon “anggo irumbakkon..”.
Ujungni pardalanan, ujungni goluh, ujung ni zaman on lang adong ise pe
na mambotoh ai, Anak in pe (Jesus) lang ibotoh ai. Na porlu ibotoh hita
aima : pasti manuju hubani akhir do goluh on. Agakni ai do ase ibahen
Paulus gambaran “lampo-lampo” atap “kemah tenda” (halani padear tenda do
horja ni Paulus). Aima sada ianan na sifani sementara, dong panorangni
maningon irumbakkon (Ind : dibongkar) halani maningon pindah tempat.
Goranni pe tene na ‘berkemah’, adong ope rumah na totap, anjaha on ma na
isobut Paulus laho manggambarhon rumah na so pinauli ni tangan, na
totap ronsi sadokahni dokahni i nagori atas. Dong sada parlajaran hunjin
tene, bahasa na iiankon hita on sonari lang torus on adong, tapi
maningon ijon ope hita anjaha mangahapkon sonaha sitaronon na adong
ijon. Aima marhoih anjaha boratan. Badanta do na mangahapkon hoih
anjaha boratan, tapi dob isolukkon hita ianan na hun nagori atas ai,
gabe Sedo halani na lang tarporsan hita, tapi aima halani adong dihol ni
uhur manolukkon ianan na i nagori atas ai, gabe seng talanjang hanami
dapot. Sedo jolma na napasirsirhon in, tapi Naibata do marhitei TonduyNi
ba ibere gabe sikoram In ma gogohta na dob ijamin Naibata marhitei
TonduyNi na gabe sikoram. Tonduy in do na manjamin jumpah hita do ianan
na i nagori atas ai. Memang lape ididah hita ai marhitei mata, tapi
domma ipatugah Tonduy in sonaha mantin ni marianan ijai.
Ase
tenger do uhurnami tongtong….”ai ibotoh hanami”… tongon daoh ope
humbani Tuhan in anjaha maningon do marianan hanami ibagas angkula on,
ai ibagas haporsayaon ope pardalanan, lape ibagas na mangidah. Isobut
ijon ibagas pardalanan, artini ibagas sada proses waktu menuju sada
tujuan. Proses pardalanan ai aima sanggah ibagas angkula on atap dob
tanggal humbani angkula on. Lang adong panorang na ‘kosong’ ibagas
pardalanan ai. Lang adong waktu senggang na boi mambahen bebas hita
humbani pardalanan pakon aha na ialami hita ijai. Ai ma ase na penting
sadokah ibagas proses ‘hoih pakon na boratan; ai totap hita gabe
harosuh. Ase porini attigan pe irumbakkon lampo-lampo ai, lang talanjang
be hita jumpah. Halani domma torus ”soluk” (ipakeihon) hita ianan atap
pekean na pinasirsirni Tuhan in. On jumpah hita anggo totap hita ibagas
haporsayaon. Halani nini bani Johanes 6:47 : “Na tongon tumang do na
huhatahon on bani nasiam : barang ise na porsaya, parrupei do bani
hagoluhan na sadokah ni dokahni”
Goluh on aima
pardalanan humbani lampo-lampo (ijon) na boi marumbak manuju hubani
rumah ni Naibata, ianan na totap (ijai). Goluh na ijon, aima goluh na
sementara, goluh na buei hoih anjaha na borat. Tapi sanggah ibagas
pardalanan do hita… tontu, porini pondok atap ganjang pardalanan ai,
kuncini aima ilangkahkon anjaha terus melangkah. Pasti semakin dohor do
tujuan anjaha pasti das do hita ijai. Na porlu, sadokah ijon ham, aha do
na memotivasi pardalananmu?
PANDUAN SINGKAT PEMBUATAN PUPUK HAYATI BONGGOL PISANG UNTUK KESUBURAN TANAH Terima kasih kepada abanganda YM Tonny Saritua Purba (Penyuluh ...
-
Penginjlan adalah tugas utama Gereja Dalam Gereja, Pekabaran Injil bukan hanya penting, tapi harus. Gereja tidak hanya berdoa, tapi di...
-
Hesekiel 39 : 1 – 7 Goran Hesekiel mararti : "Naibata mampargogohi”. Sonaha ma Naibata patalarhon hagogohanni hubani bangsaNi..? A...
Tidak ada komentar:
Posting Komentar