GOLUH AMPA GALANGANMU : AI DO NA PININDAHAN NI NAIBATA

Mika 6 : 6 - 8

1.   Nabi Mika hadir bani bangsa Israel laho memperhadapkon sidea hubani habujuron ni Naibata Jahowa. nabi Mika padaskon hata ni Naibata iama bani masa pamarentahan ni Taja Jotam, Ahas ampa Hiskia. Adong do pergolakan na terjadi bani panorang ai ; aima penindasan, kebobrokan moral ampa ketidak tulusan beragama. Bani sada pihak boi ma sidea makmur anjaha berkecukupan aima halani pasu-pasu ni Naibata, tapi bani pihak na legan lang taridah goluh ni sidea na menghargai pasu-pasu ni Naibata. Bangsa ai domma songon istilah ‘lupa kacang akan kulitnya”. Ritus keagamaan totap do mardalan, tapi pemimpin-pemimpin torus do korupsi, marmunculan ma nabi-nabi palsu na kompromi bani keadaan na kacau ai, sonai homa age malim-malim lang ibagas kasungguhan be marhorja i rumah panumbahan. Habujuron ni Naibata ibalas marhitei goluh na ihagigihon Naibata. Porini ibandingkon ai hubani holongni orang tua na manghopkop niombahni boi sonon tene ; orang tua loja marhitei na manaron udan milas ni ari mansarihon na porlu bani niombahni na marsikolah, hape niombah on marpala-pala homa mamboiskon marhitei horja na lang mendukung parsikolahanni. Agepe sonai isuba orang tua on do sabar anjaha manganju-anju. Tapi domma
longkot gakni biak na lang madear ai, lang parduli niombah on itoruskon do hisap-hisapni. Kecewa. On ma pasti na terjadi bani orang tua ai. Sonai ma Naibata kecewa bani bangsa Israel. Tontu age hubanta, anggo sonai ma goluhta panorang on, tontu hubanta ma homa alamat kekecewaan ni Naibata tene.

2.       Nini uhur ni bangsa ai kekecewaan atap kemarahan ni Naibata boi iatasi marhitei na pajengeskon galangan. Ai ma ase anggo soal galangan ni sidea totap do mardalan, bahkan boi tene ‘ipajenges-jenges’ dengan tujuan ase malum uhur ni Naibata bani haganupan hadosaon ni sidea. Atap hatahonon sidea berpikir marhitei na pajengeskon galangan ai boi ma ‘mangarusi’ atap ‘maklum’ Naibata bani parlahou ni sidea na so talup ai. Lang das be sidea soal mangahapkon sonaha ‘ahap’ ni Naibata, domma ipados sidea Naibata Jahowa songon dewa-dewa ni bangsa sekitar, na boi isogok marhitei galangan. Boi do ibandingkon hita bani dirinta. Lupa do sidea bahasa anggo ilobei ni Naibata, parsomabahonta sedo inilai humbani galangan ai na terutama, tapi na gabe pusat  ni aima ise anjaha sonaha do ia manggalangkon. Memang, aha na isungkunhon nabi Mika bani ambilanta on, aima sukkun-sukkun na membutuhkon balos humbani uhur ni bangsa ai.  “Marhitei aha tarbahen ahu manjumpahkon Jahowa, laho marsombah ilobei ni Naibata na i babou? Marhitei galangan situtungon do gakni tarjumpahkon ahu Ia, atap marhitei anak ni lombu na marumur satahun?  Marosuh do gakni uhur ni Jahowa mangidah hambing tunggal na marribu-ribu barang mangidah binanga minak na marloksa-loksa? Berehononku ma nani bunga tubuhku halani panlanggaronku, boras ni boltokku halani pardearan ni tonduyhu?” (Mika 6:6-7). Nini uhur ni jolma, lambin tinggi kuantitas ni galangan, lambin surut ma ringis ni Naibata anjaha lambin dohor ma bani Naibata. Tongon, sedo na lepak anggo roh hita hubani Tuhan in mamboan galangan. Halani memang halak na mangarusi haluahon ai, pasti do lang ‘mangembas’ homa roh hulobei ni Tuhan in. Tapi anggo isurdukkon hita ma galanganta hubani Naibata, hape uhurta otik pe lang hubani Naibata ; on do na lepak.  Ai do ase ipatangkas hata on do use hubanta : “Domma ipabotohkon bam ale jolma, barang aha na madear ampa barang aha na pinindahan ni Jahowa humbam, ai ma na mangkorjahon hasintongan ampa na mandalankon halayakon anjaha marparlahou ibagas toruh ni uhur ilobei ni Naibatamu” (Mika 6:8). Aha do tongon na pinandahan ni Naibata humbanta? Naparlobei, mandalankon hasintongan (berlaku adil). Sonaha do tongon hita boi adil bani goluh on? Adil maksudni sedo maningon dos, tapi mampardiatei hak-hak ni haganupan domu hubani hajongjonganni. Ulang ibuat na so bagianni. Ulang mangan humbani karingat ni hasoman. Atap ulang bosur hita itongah-tongah ni halak na gayuran. Napaduahon, mandalankon halayakon (mencintai kesetiaan). Naha do tongon kesetiaanta hubani hasomanta? Atap anggo lang songon na ibagas uhurta, mintor itadikkon atap itundakhon hita do? Napatoluhon, aima marparlahou ibagas toruh ni uhur. Daoh humbani sikap arogansi. Apalagi ma ai halani habayakon, ulang mintor gijang uhur.  

3.      Ibadahta hubani Naibata sedo pitah menyangkut hubani aturan-aturan keagamaan (kultis), tapi das do hubani soal-soal kehidupan sehari-hari (etis). Sedo pitah soal rajin hu Gareja, martonggo, mambere galangan atap banggal ni uhur, tapi das do hubani soal sikap hidupta hubani hasoman ampa hubani tinompa na legan. Ra iparhatongon hita so anggo dong sukkun-sukkun ; aha artini rajin hu gareja, pongkut martonggo, lang absen ibagas na manggalang, anggo itutup hita do matanta terhadap ketidak adilan? Anggo goluhta daoh do humbani kesetiaan? Atap anggo uhurta igoki kesombongan?? Lang marosuh Naibata anggo ibadahta hanya sebatas kulit, lang mendarah daging. Idalankon do idalankon, tapi lang ijiwai. Sekedar melakukan aturan-atruan agama, tapi lang taridah bani goluh sehari-hari. Ongga do iumpamahon Jesus halak na sonon songon hayu ara bani Lukas 21:19 “Iidah ma sada hayu ara i topi dalan ai, jadi laho ma Ia hujai, tapi seng dong jumpahsi sobali bulung, gabe ihatahon ma bani hayu ai: Hunjon hujanan seng anjai marbuah be ho! Jadi mintor melus ma hayu ara ai.” Panorangni ma pataridahkon buah marhitei goluh na hinarosuhkon ni Naibata ampakon marhitei galangan hatarimakasihonmu, ai in do na pinindahan ni Naibata humbanta na dob pinaluahNi in. Amen